Son Xəbər: Azərbaycan Prezidenti İlham Əliyevin Bişkekdə Ermənistanın Baş naziri ilə görüşü keçirilib, Ukrayna Rusiyanın S-400 radiolokasiya stansiyasına və komanda-qərargah maşınına zərbə endirib, İlham Əliyevin sosial media hesablarında Bişkekdə Nikol Paşinyanla görüşünə dair paylaşım edilib, Əli Əsədov Oljas Bektenovu təbrik edib, Bişkekdə Prezident İlham Əliyevlə Nikol Paşinyan arasında görüş olacaq, Azərbaycanlı jurnalistlər Qüdsün Köhnə şəhərini ziyarət ediblər, İlham Əliyev Qırğız Respublikasına işgüzar səfərə gəlib, Sentyabrda yağıntının miqdarı iqlim normasına yaxın olacaq - AYLIQ PROQNOZ, İlham Əliyev Şimali Kiprin Prezidentinə başsağlığı verib, Xaçmazda avtomobil ağaca çırpılıb, ölən və xəsarət alanlar var,

Ukrayna Rusiyanın S-400 radiolokasiya stansiyasına və komanda-qərargah maşınına zərbə endirib

Tarix: Bugün, 14:37

Ukrayna Müdafiə Qüvvələri Rusiya qüvvələrinə məxsus radiolokasiya stansiyasını, "Triumf" S-400 zenit-raket kompleksinin (ZRK) komanda-qərargah maşınını, rabitə qovşağını, pilotsuz uçuş aparatlarını idarəetmə məntəqəsini və maddi-texniki təchizat anbarlarını vurub.

Bu barədə Ukrayna Silahlı Qüvvələrinin Baş Qərargahı "Telegram" kanalında məlumat yayıb.

Məlumata görə, zərbələr ötən gün ərzində və avqustun 31-nə keçən gecə endirilib.

Xüsusilə Rusiyanın Bryansk vilayətinin Desnyansk rayonunda radiolokasiya stansiyası, vilayətin Ploskobukreyevka rayonunda isə S-400 ZRK-nin komanda-qərargah maşını vurulub.

Bundan başqa, Rusiya qüvvələri bölməsinin Belqorod vilayətinin Zimovnoye ərazisindəki rabitə qovşağı və Zaporojye vilayətinin Qulyaypole ərazisindəki PUA idarəetmə məntəqəsi vurulub.

Həmçinin Krımın müvəqqəti işğal olunmuş Kir-Baylar, Luqansk vilayətinin Verxnekamenka və Rusiyanın Kursk vilayətinin Popovo-Lejaçi ərazilərində maddi-texniki təchizat anbarları vurulub.

Dəyən ziyanın miqyası müəyyənləşdirilir.